गुड टच ... बॅड टच ...

हॅलो ऑल,

आजचा लेख खास करून आपल्या छोट्या मित्रांसाठी बरे का !!!

आपला एक छोटा मित्र आहे रेहान. रेहान 6th मध्ये आहे, त्याच्या सोसायटी मध्ये एक वॉचमन अंकल आहेत, रेहान रोज त्या वॉचमन काकांना हाय बाय करीत असे, वॉचमन अंकल पण मुलांचे लाड करीत असत, पण आज काल  वॉचमन अंकल थोडे विचित्र वागू लागले आहेत असे लहानग्या रेहान ला वाटू लागले आहे. उगाचच गालाला चिमटे काढणे, जवळ ओढून घेणे, जबरदस्ती किस करणे. हे सगळं रेहान ला अजिबात आवडत नाही. 

एक छोटी मैत्रीण निक्की , 10 years old, निक्की  च्या शेजारचे अंकल तिचे खूप लाड करतात, तिला चॉकलेट्स वगैरे आणून देतात, पण कधी कधी त्यांचं उचलून घेणं उगाचच चेस्टला हात लावणे , बट वर टॅप करणे निकी  ला अजिबात आवडत नाही. 

छोट्या मित्रांनो, हे जे काही रेहानला आणि निक्की आवडत नाही त्यालाच म्हणतात बॅड टच  (Bad Touch) 

आपले मम्मी पप्पा सोडून कोणीही तुम्हाला टच केले आणि  तुम्हाला ते आवडले नाही तर तो बॅड टच. बॅड टच खासकरून शरीराच्या ४ ठिकाणी मानला जातो -
१. ओठ म्हणजे लिप्स

२.  छाती म्हणजे Chest 

३. पायांच्या मधली जागा किंवा सु सु करण्याची जागा 

४. बसण्याची जागा म्हणजे BUM  

मम्मी पप्पा तुम्हाला अंघोळ घालताना शरीराच्या  त्या भागांना  हात लावतात पण मग तो बॅड टच नाही, मात्र  इतर कोणी उगाचच तिथे स्पर्श करत असेल तर मात्र तो बॅड टच.

जो टच तुम्हाला नाही आवडत ना मग सरळ  तो बॅड टच, नो मोअर थिंकिंग बस्स !!

बॅड टच करणारे हे कोणीही असू शकतील जसे वॉचमन अंकल,  इमारती मधील कोणतेही अंकल किंवा आंटी , लिफ्टमन अंकल, स्कूल मधले अंकल, घरकामाला येणारी मावशी, स्कुल मधला कोणी दादा किंवा इतर कोणीही असू शकतील, मात्र एक गोष्ट लक्ष्यात ठेवा मित्रांनो या कुणालाही तुम्हाला टच करण्याचा अधिकार नाही. जर असा बॅड टच कोणीही तुम्हाला केला तर मम्मी पप्पाना लगेच सांगून टाका, जर मम्मी पप्पा नसतील तर जे कोणी घरी आहेत आजी, आजोबा, काका  ज्यांच्यावर तुम्ही विश्वास ठेवता त्यांना पटकन सांगून टाका. जर तुम्ही शाळेत असाल तर लगेच आपल्या टीचर्स ना तक्रार करा अगदी वेळ न दवडता. 

तुम्ही एकटे असताना जर तुम्हाला कोणी स्पर्श करण्याचा प्रयत्न केला तर मोठ्याने ओरडा  Noooooooooooo  !!

अगदी मोठयाने कि तो घाबरला पाहिजे आणि पटकन तिथून पळ काढा. आणि लवकरात लवकर सुरक्षित ठिकाणी पोहोचा,  वेळ पडली तर त्या व्यतीचा कडकडून चावा घ्या.  फोन वर १०० नंबर डायल केला तर पोलीस अंकल पण येतात तुमच्या मदतीला , वेळ पडली तर ते हि करा पण बॅड टच कधीच सहन करू नका. 

हे जे मी सांगितले आहे ते लक्षात ठेवा आणि  तुमच्या मित्र मैत्रिणींना पण सांगा. 

पालकांना (Parents ) नम्र विनंती, त्यांनी स्वतः हा ब्लॉग आपल्या पाल्यांना वाचून दाखवा, त्यांना गुड टच बॅड टच मधला फरक आपल्या परीने समजावून सांगा. मुलांच्या तक्रारींवर कधीही दुर्लक्ष्य करू नका वेळीच सावध व्हा आणि अश्या व्यक्तींची पोलिसानं मध्ये तक्रार करा, या व्यक्तींवर योग्य ती कायदेशीर कारवाई केली जाऊन, त्यांना चांगलाच धडा मिळतो, अधिक माहिती साठी गूगल करा किंवा जवळच्या पोलीस मित्रांची संपर्क साधा. 

आपला अभि 

     

                    

  

        

PART 3 : Sharon आणि Shown

शेरॉन च्या वागण्यातला बदल शॉन ला समजत होता खटकत होता, पण शॉन काहीच करू शकत नव्हता, काही  दिवसांनी काही कारणांमुळे शेरॉन ला  नोकरी सोडून द्यावी लागली,  नोकरी सुटल्यामुळे शेरॉन घरीच होती, माईकचा  तुटपुंज्या पगारावर घर चालवायचा  मोठा प्रश्न तिच्या समोर होता. शॉन तिला मदत करायला तयार होता त्याला वाटले आत्ता तरी त्या दोघांना जास्त वेळ मिळेल, आलेला दुरावा मिटेल, मात्र झालेच उलटेच शेरॉन त्याला कधीतरी फोन करायची , कधीतरी भेटायची,  विचारल्यावर माईक आपल्यावर नजर ठेऊन आहे असे सांगायची . 

सगळं शॉन च्या सहन शक्ती पलीकडे चालले होते. पण त्याने आधीच वेट अँड  वॉच  ची भूमिका घेतली होते, म्हणजे आत्ता जे होईल ते होईल, शॉन चा एक मित्र होता रोहित ज्याला शॉन सगळे काही सांगत असे, य सगळ्या वरून  एकच  निष्कर्ष कडून रोहित ने शॉन ला सांगितले होते कि तुमचे रिलेशन फार काळ टिकणार  नाही, रोहित आधी पासूनच शेरॉन बद्दल नकारात्मक विचारांचा होता, रोहित च्या व्यतिरिक्त कंपनीतील इतर सहकारी ज्यांनी वेळो वेळी शॉन ला समजावले होते, आणि शॉन ने मात्र ह्या सर्वांकडे दुर्लक्ष्य केले होते, परंतु आज त्याला या सर्वांचे एक एक शब्द आठवत होते. पण नाते  संपवण्या पेक्ष्या आत्ता शॉन ने बघ्याची भूमिका घेण्याचे ठरवले होते. 

शेरॉन आणि शॉन चे नाते आत्ता व्हेंटिलेटर वर होते, कृत्रिम श्वासावर. आत्ता कोणतेही कारण श्वास तुटायला पुरेसे होते आणि झालेही तसेच. शॉन ने माईक ला पाठवलेल्या एका क्षुल्लकश्या व्हाट्स अप मेसेज वरून शेरॉन ने शॉन बरोबर भांडण उरकून काढले आणि तिने त्याला निर्वाणीचे सांगितले आत्तापासून तू मला फोन नको करुस, तू मला जितकी पैशांची मदत केलीस ते मी परत करणार आहे. 

काही नाती ज्यांना काही नाव नसते ती खुलं कॉम्प्लिकेटेड असतात, निभावणे शक्य नसतात अश्या नात्यांचा असाच शेवट अपेक्षित असतो. खरे तर समोरची व्यक्ती आमच्या कमिटमेंट्स पळत नसेल, तुम्हाला वेळ देत नसेल तर समजून जा यु आर ऑन  रॉंग ट्रॅक . प्रॅक्टिकल होणे गरजेचं असते . शेरॉन ला दोष नाही देता येणार कारण समोरच्याचे इंटेंशन्स तुम्हाला समाजात नसतील तर तो तुमचा दोष आहे.     

समाप्त 

आपला अभि 

PART 2 : Sharon आणि Shown

शॉन अतिशय शांत, संयमी, होता, इतरांना मदत करण्याच्या बाबतील शॉन खूप प्रसिद्ध मी होता, वेळेच्या बाबतीत खूप शिस्तबद्ध आणि कंमिटमेन्ट पाळणारा आणि लाईफ मध्ये सकारात्मक असणारा, त्या विरुद्ध शेरॉन, सतत नकारात्मक विचार मनात, माईक बद्दलची भीती त्याचा दारात म्हणून सतत एकटी, शॉन सतत तिची काळजी घेत असे. 

शेरॉन  जन्माने जरी ख्रिश्चन असली तरी लहानपणापासून तिच्या वर हिंदू धर्माचा देखील प्रभाव होता, म्हणून एकदा पाडव्याच्या दिवशी शॉन ने खास तिला लक्ष्मीची मूर्ती दिली होती, त्यावेळेस शेरॉन खूप भारावली होती, कारण तिची  पहिली  पाडवा भेट होती ती मूर्ती. त्या मूर्ती कडे पाहून तिला फार सकारात्मक वाटे, शॉन ने तिला सांगितले होते हि मूर्ती जपशील म्हणजे माझे मन जपशील. शॉन मध्ये मध्ये तिला बऱ्याच गोष्टी गिफ्ट करीत असे, ती आजारी असताना माईक कधीच तिच्या जवळ नव्हता , पण शॉन मात्र तिच्या सोबत असे तिला जबरदस्तीने डॉक्टर कडे घेऊन जाई, तिच्या औषधांची काळजी घेई , शेरॉन ची आर्थिक परिस्थिती शॉन ला  होती, म्हणून शेरॉन ला बऱ्याचदा मदत करीत असे. शेरॉन ला शॉन चा बऱ्या पैकी आधार होता. 

माईकचा उपद्रव आत्ता  वाढत चालला होता, त्याला  बायकोला आनंदी असलेले बघवत नसावे बहुतेक, शेरॉन ने घर सोडल्या पासून ते ऑफिस ला पोहोचे पर्यंत तो तिला कॉल वर सतत बिझी, सतत व्हिडीओ कॉल करायचा, शेरॉन हि भलती वस्ताद, तिला त्याचे सगळे राग रंग ठाऊक होते तीही त्याला पुरुन उरायची . 

पण आत्ता आधीसारखे दिवस राहिले नाही. घरमालकाच्या सततच्या पाठपुराव्याला वैतागून तिने घर शिफ्ट करायचा निर्णय घेतला. त्या काळात तिने शॉन कडे पूर्णपणे दुर्लक्ष्य केले. शॉन हे सगळे बघत होता. इतर सहकाऱ्यांशी  जवळीक आणि आपल्याकडे दुर्लक्ष्य हि बाब त्याला सतत खटकू लागली , शेरॉन देखील त्याच्या बोलण्या कडे दुर्लक्ष करू लागलीं होती, कारण दुसरेच असावे बहुतेक, पण एकदा  शॉन ने तिच्या समोर आपल्या मनातील सल  बोलून दाखवली आणि तो रडू लागला , शेरॉन ला ते पाहावले नाही, शॉन खूप इमोशनल आहे म्हणून तिने त्याला  वचन  दिले  कि  आयुष्याच्या अखेर पर्यंत ती त्याच्या सोबत राहील. मुळात शेरॉन कमिटमेंट पाळण्याच्या बाबतीत खूप मागे होती. वेळ पाळणे आणि कमिटमेंट पाळणे यावर भरवसा ठेवणे कठीण होते. पण शॉन या सगळ्या गोष्टी वेळोवेळी तिला सांगून समजावण्याचा प्रयत्न करायचा पण नेहमीच पालथ्या घड्यावर पाणी. शॉन ला माहित होत चालले होते कि शॉन आत्ता हातातली वाळू होत चालली आहे जी हळू हळू निसटत जात आहे.  

आत्ता तर रोज रोज शेरॉन आणि शॉन मध्ये सुद्धा वाद विवाद होऊ लागले, ना शेरॉन आधी सारखी राहिली होती ना रॉन, एक मात्र जरी खरे असले कि दोघे एकमेकांशिवाय राहू शकत  नसले तरी आत्ता त्यांच्या मध्ये  इगो येऊ घातला होता , शेरॉनच  शॉन बद्दलच वाटणं  कमी कमी होऊ लागले  होते, शॉन ने देखील ठरवले होते जे होईल ते होईल पण आत्ता  रडायचं नाही. 

बहुतेक हि एका अंताची सुरुवात होती. 

क्रमशः       

        

               

PART 1 : Sharon आणि Shown

शेरॉन आज परत पहाटेपर्यंत रडत रडत झोपी गेली. माईक ने आज पुन्हा एकदा धिंगाणा घातला, रोज प्रमाणे दारू पिऊन उशिरा घरी आला आणि रोजप्रमाणे शेरॉन चे कुणाबरोबर तरी नाव जोडून तिला शिव्या घालून मारू लागला होता. हे रोजचेच होते. कधी हातात मिळेल ती वस्तू फेकून तो तिला मारत असे. एकदा दारूच्या नशेत कोपऱ्यात  ठेवलेली क्रिकेट ची बॅट उचलून तिला मारायला निघाला होता तेही पहाटे अडीज वाजता . त्याचे  ते रौद्र रूप पाहून त्यांचा सहा वर्षांचा छोटा रॉन जोर जोराने रडायला लागला. ते पाहून माईक थोडा वरमला आणि त्याने ती बॅट टाकून दिली आणि शेरॉन ला शिव्या देऊन झोपी गेला.  

नवीन जॉब लागल्यापासून हे सगळे सुरु झाले होते, शेरॉन चे दिवस बदलले जे आधी वाईटच होते, ते आणखीनच वाईट होऊ घातले होते. पण त्यातही काही चांगले होते ते म्हणजे शॉन.  शॉन म्हणजे शॉरॉनचा एंजल होता. 

शेरॉन ने नवीन जॉब स्वीच केला होता, शॉन तिचा सहकारी होता.  शेरॉन ने घरच्या परिस्थितीमुळे स्वतःला इतरांपासून दूर ठेवले. घरच्या जबाबदाऱ्या, त्यात  माईकचा नाकर्तेपणा, रॉन चं फ्युचर याचमुळे तिच्यावर कर्जाचा खूप मोठा डोंगर होता. इतके टेंशन असताना देखील शॉनच सोबत असणे तिला दिलासादायक असायचं. तो जवळ असताना ती तिच्या आयुष्यातील सारी टेन्शन्स विसरून जायची.  तिच्याबद्दल सर्व काही माहित असणारा जगातला एकमेव व्यक्ती हा  फक्त शॉन आणि शॉनच होता, अगदी माईक सुद्धा नाही.  शॉननेही तिला बरयाचदा हवी तशी मदत केली अगदी आऊट ऑफ द वे जाऊन सुद्धा, शेरॉन  ने देखील तिच्या परीनं शॉन चे वेळोवेळी आभार मानले होते, अर्थात हि फक्त मैत्री नव्हती कारण, दोघेही मैत्रीच्या पुढे कधी गेले कळलेच नाही. 

एकदा शेरॉन छोट्या रॉन ला घेऊन शॉन ला भेटायला गेली, शॉन ने रॉन ला देखील आपलेसे केले. छोटा रॉन  शॉन अंकल वर एवढा प्रभावित होता कि तो हि शॉन अंकल ला एंजल ऑफ गॉड मानायचा , त्याला हि शॉन बद्दल एव्हढी  आपुलकि वाटायची कि शाळा सुटल्यावर तो बरयाचदा ममा कडे शॉन अंकल ना भेटायचंय म्हणून हट्ट धरू लागला, म्हणून शेरॉन हि बऱ्याचदा शॉन ला शाळा सुटल्यावर सरप्राईस म्हणून रॉनला भेटायला घेणं जायची आपला एंजल अंकल ला बघून रॉन पण भलताच खुश व्हायचा. नंतर माईक कामातून परत येई पर्याय शेरॉन पण रिलॅक्स असायची. पण कामातून परतल्यावर माईक मित्रांसोबत दारूच्या गुत्त्यावर बसायचा आणि दारू पिऊन घरी धिंगाणा घालायचं , पुन्हा शिव्या, पुन्हा कोणाचे तरी नाव घेऊन शेरॉन वर संशय घ्यायचा . रात्रीची हि वेळ ते शेरॉन ऑफिस ला पोहोचेपर्यंत ची वेळ हि शेरॉन ची शापित वेळ असायची. पण एकदा ऑफिस ला पोहोचल्यावर शॉन चा चेहरा बघितला कि ती सगळं त्रास विसरून जायची.  

                 

शेरॉन ने एकदा विचार केला कि जर माईक ची शॉन बरोबर भेट घालून दिली तर माईक मध्ये थोडा फार पॉसिटीव्ह बदल होईल, म्हणून एकदा पैशांच्या मदतीचं निमित्त करून तिने माईक आणि शॉन ची भेट घालून दिली आणि खरंच शॉन च्या व्यतिमत्त्वाचं आणि वाईब चा प्रभाव माईकवर कि पडला . शॉन च्या पॉसिटीव्ह वाईब वर शेरॉन ला पूर्ण विश्वास होता. आणि झाले हि तसे माईक शहाण्यासारखा वागू लागला होता पण शॉन ला पूर्ण शंका होती कि माईक हा पुन्हा त्याच्या त्या वाटेवर जाणारच आणि झाले हि तसे. शेरॉन चे सारखे सारखे शॉन बद्दल  चांगले बोलणे, सतत त्याचे नाव घेणे माईक ला आवडेनासे झाले आणि मग झाले हि तसे, आत्ता  रोज रात्री माईक दारू पिऊन शेरॉन  चे नाव शॉन सोबत जोडून तिला शिव्यागाळ आणि मारहाण करू लागला . शॉन ला कळल्यावर त्याने माइकशी  बोलण्याचा निर्णय घेतला पण माझं नशीब म्हणून शेरॉन ने नकार दिला. पण याचा आपल्या नात्यावर काहीच परिणाम होणार नाही असे सांगितले .   

क्रमश:

मुलांच्या स्वप्नाच्या देशा .....

Special Duty of Parenting .... म्हणजे पालकत्व. हे एकदा  सुरु झाल्यावर आपलं मूल झोपी जाणं हा खूप मोठा रिलीफ असतो आणि बाळाला झोपवणे हा खूप मोठा टास्क खरे तर आर्ट असतो, स्किल असते. प्रत्येक बाळाची आपली आपली एक स्वतंत्र स्टाईल असते झोपी जाण्याची, कोणी खांद्यावर थोपटल्याशिवाय झोपी जात नाही, कुणाला झुलवावे लागते, काहींना दुधाची बाटली लागते झोपताना,  काही मुलं अंगाई ऐकत ऐकत झोपी जातात.

बऱ्याचदा बाळ झोपलय असे समजून आपण आपल्या कामाला लागणार तोच बाळ उठून हंगामा करू लागते, मग पुन्हा लागा झोपवायला !! 

मला काय वाटतं.   !!!

लहान मुलांना झोपवणे म्हणजे त्यांना त्यांच्या स्वप्नाच्या देशात सोडून देऊन येण्या सारखे आहे. लहानपणी नाही का आपले आई बाबा, आजी आजोबा आपल्याला शाळेत किंवा ट्युशन ला सोडून यायचे अगदी तसं . 

जेव्हा तुम्ही बाळाला झोपवण्याचा प्रयत्न करता तेव्हा एक कल्पना करा, तुम्ही बाळाला घेऊन जात आहात, ढगांवर बसून, मजल दरमजल करत, आजू बाजूला शीळ  घालणारे पक्षांचे थवे. नदी नाले ओढे पार करत. आणि मग एके ठिकाणी घुरांमध्ये घुसून खूप सारे  प्रकाशकिरण  समोर दिसत आहेत, आणि मग सुरेख असे पियानोचं मंद संगीत कानावर पडत आहेत, थोड्या वेळाने एक सोनेरी चमचमता गेट समोर दिसतोय, गेट जवळ जाताच दिसतंय कि त्यावर एक पाटी आहे ज्यावर लिहिलंय  'Welcome  to  Dreamland'  आणि खाली लिहिलंय Adults  Not Allowed. 

आपण पोहोचताच एक छोटीशी परी येते आणि बाळाचं हात घरून त्या स्वप्नांच्या  देशा घेऊन जाते. बाळाला तेथे त्याचे हवे ते सवंगडी मिळालेले असतात शिनचॅन, मिकी , अलादिन , डेव्ह अँड इव्हा , छोटा भीम , माइटी राजू, तेथे घसरगुंडी असते , झोपाळा  असतो, चॉकलेट चा बांगला असतो, झाडांवर आईस्क्रिम लागलेले आहेत, आणि बाळ त्या सगळ्यांत खेळण्यात मग्न झालेलं . 

नॉक नॉक !!! तुम्ही बाहेर या, भानावर या,  लेट देम एन्जॉय. कारण थोड्यावेळाने काय होणार आहे माहित आहे??

बाळ Dreamland  मध्ये खेळून थकणार आहे. बाळ Deramland मध्ये ठाकणार म्हणजे तो  झोपेतून जागा होणार आहे, फुल्ली चार्ज्ड अप होऊन... मग काय हंगामा वन्स अगेन. 

पण कल्पना जरूर करा. 

 

आपला अभि 

     

     

Lockdown

हॅलो ऑल,

आणीबाणीसदृश्य परिस्थिती निर्माण झालीय. नाईलाजास्तव पंतप्रधानांनी शेवटी देशभर lockdown घोषीत केलाच.

हे युद्ध आत्ता आपल्याला जिंकायचे आहे.

तर मित्रांनो ...

कंबर कसा....

Pull युअर सॉक्स up

Knot युअर शूज Tightly ......

आणि

.........

गप्पपणे घरी बसा ....

१४ एप्रिल पर्यंत...


आपला अभि

Part 2 : Quarantine मध्ये घरी असताना ....

अजून काही सुचलेले .....

पुस्तके वाचा

म्युजिक ऐका.. यु ट्यूब , गाना , सावन आहेच , explore  classical of  India . 

नवीन भाषा शिका, बेसिक तर शिकताच येईल. गूगल, You Tube  आहेच मदतीला,  I Advise संस्कृत शिका, शेवटी आपली पहिली भाषा तीच आहे.

Online games, बोर्ड गेम्स ल्युडो, मोनोपॉली, बुद्धिबळ वगैरे वगैरे ..

स्वतःच्या कपड्यांना इस्त्री मारा ... Ok
घरातल्यांच्या कपड्यांना इस्त्री मारा.. Ok
शेजारच्यांच्या कपड्यांना इस्त्री मारा ... Wait  What  !!!
Just Kidding Yo !!!


जाता जाता :
खायचा असेल मे मध्ये आंबा ...
खायचा असेल मे मध्ये आंबा ..........
तर आत्ता घरातच थांबा
-  सहज आठवले   

आपला अभि 

Quarantine मध्ये घरी असताना ....

हॅलो ऑल,

काल २२ मार्च जनता कर्फ्यू सफल केल्या नंतर आज पासून संपूर्ण महाराष्ट्रात १४४ कलाम लागू झाले आहे, या नुसार कमीत कमी ३१ मार्च पर्यंत आपण सगळे घरीच आहोत, Compulsorily. दळणवळणांची सारी सरकारी साधने बंद असणार आहेत, खाजगी वाहनांना सुद्धा मज्जाव असणार आहे, जमावबंदी असणार आहे. थोडी फार दुकाने खुली ठेवण्याची परवानगी आहे.

पण तो  पर्यंत  घरी राहणे अनिवार्य आहे ... 

अब तेरा क्या होगा कालिया... !!!

नो फिकर ... आपल्याकडे आहेत ना काही आयडिया ची कल्पना . 

वर्किंग लोकांनी नक्कीच त्यांचे वर्क फ्रॉम होम चे होम वर्क घरी आणले असणार अगदी गाठोडे भरून. पण तुम्हाला सांगू का ९५% लोकांकडून हा प्रकार कधीच सफल होत नाही (I am one of them) ट्रस्ट मी. 

पण एक सांगू का ऑफिस ची कामे तर आयुष्यभर होताच राहणार आहेत. हि एक नामी  संधी मिळालीय स्वतःला शोधण्याची , rejuvanet करण्याची, ज्या गोष्टींसाठी वेळ नाही अशी करणे आपण देत असतो (फक्त इनडोअर) त्या सर्व गोष्टी करण्याची. लेट्स सी आपण काय करू शकतो घरी राहून. 

घरकाम : घरकाम करणारी असेल तर त्या मावशीला सुट्टी देऊन टाका, precaution म्हणून तरी आणि स्वतः घर काम करा, आईला, बायकोला मदत करा.  

व्यायाम : ह्या गोष्टींचा दिवस कधीच उजडत नाही, उद्यापासून/ सोमवारपासून/ एकतारखेपासून सगळे एक्सक्युजेस  (स्वानुभवावरून सांगतोय). घ्या मारायला आत्ता सूर्यनमस्कार, ऍब्स , स्क्वाट्स, स्ट्रेचिंग, होऊन जाऊद्या .

बॉडी Detoxing : बॉडी Detoxing म्हणजे शरीरातील विषारी मूलद्रव्ये शरीरातूल घालवून देणे, You Tube वर त्या बद्दल बराच काही आहे, पण मी केलेले सांगतो; लिंबू, आले स्लाइस करून घ्या, पुदिन्याची पाने घ्या दालचिनी घ्या, हे रात्रभर पाण्यात ठेवा आणि शक्यतो तेच पाणी दिवसभर घ्या. तांब्याच्या भांड्यातील पाणी उत्तम (अल्कलीन वॉटर म्हणतात त्याला). तेलकट खाण्यावर थोडा ताबा ठेवा Thats  it  !!

माईंड Detoxing : शरीराप्रमाणे मनाला सुद्धा detoxification ची गरज आहे. तर मग सुरु करा प्राणायाम,अनुलोम विलोम, शिरसासन आणि बराच काही, You Tube आहे ना गाईड करायला. जर जवळपास चांगले आयुर्वेदिक क्लिनिक असेल तर I  अडवाईस गो फॉर पंचकर्म. 

प्लांटेशन : वृक्ष संवर्धन करा, घरात नवीन रोपटी लावा, जुनी काढा, खतपाणी करा, घरातल्या रोपट्यांना संगीत ऐकवा , मी सुध्दा तुळस लावलीय घरात, आणि रोज म्युजिक ऐकवतो . 

Re - Structuring : घरातल्या वस्तू इकडे तिकडे करा, पण व्यवस्थित पणे, म्हणजे सोफा हलवा, शोपीस ची जागा बदला, भिंतींवर टांगलेल्या शोपीस  ची जागा बदल. 

डिजिटल सोशलिझशन  : बी ऍक्टिव्ह ऑन  FB , Insta , व्हाट्सएप  (मी नोकरी .कॉम आणि लिंक्ड इन  वर जास्त ऍक्टिव्ह आहे आत्त्ता 😁 ), Tik Tok  वर विडिओ बनवा मला फॉलो करा @abhishek_२८may  वर (like  करा  viral  करा )

वेब सिरीज : मी पण कोणे एके काळी  Netflixitian होतो (हा वर्ड माझ्याकडून इंग्लिश शब्दकोषाला बहाल), या व्यतिरिक्त ऍमेझॉन प्राईम  आहे, जोश्यांचा स्वप्नील  Mx प्लेअर वर 'समांतर' नावाची वेब सिरीज घेऊन आलाय, या सर्व ऍप्स वर अनेक भाषिक सिरीज, मुव्हीज, आहेत. (Sacred  Games  ३ येत आहे म्हणे ), करिष्मा कपूर ची नवीन Mentalhood पण मस्तच ALT बालाजी वर. घरात लहान मुले असतील तर Alt बालाजी, उल्लू असे ऍप्स थोडे रीस्की आहेत, चाईल्ड  फिल्टर आहेत का बघा, हॉटस्टार, Voot आणि बरेच ऍप्स आहेत. या ऍप्स  चे मंथली सुब्स्क्रिप्शन  पण कमी आहेत. 

 या व्यतिरिक्त काही असेल तर कंमेंट मध्ये नक्की कळवा आपण याच्या दुसऱ्या भागात पब्लिश करूया. 

तोवर टाटा बाय बाय  !!

      

जाता जाता :

Uber  चा ड्राइवर पावसात भिजला तर Ola होतो. 

आपला अभि. 

 

  

Janata Curfew

हॅलो ऑल,

पहिला ऑफिशिअल ब्लॉग, म्हणतात आपण आपल्या भावना आपल्या मातृभाषेत व्यवस्थित मांडू शकतो, म्हणून हा खटाटोप  (पण टाईप करणे कठीण आहे राव, सगळा कीबोर्ड चा खेळ, जमेल हळू हळू)

आजचा ऑफिशिअली पहिला ब्लॉग कॉरोनला समर्पित..... 

ट्रम्प तात्यांनी करोनाला Chinese Virus  म्हणून हिणवले आहे, I Support ट्रम्प तात्या, हा virus चीन ने जगाला दिला. काही कारण नसताना, वेळीच प्रतिबंध केला असता तर अक्ख्या जगावर हि वेळ आलीच नसती. काहीही खातात वटवाघूळ, मांजर, कुत्रे, उंदीर, साप, झुरळ, बेडूक यॅक्क !!! खाल्ले चीन ने आणि हात सगळं जग धूतय.  

हे कोरोना प्रकरण संपल्यावर म्हणे आपल्या काही गृहिणी चीनला भेट देऊन त्यांना वरण भाताचा कुकर कसा लावायचा ते शिकवणार आहेत !!!! (बस्स त्यांनी डोळे उघडे ठेऊन शिका  म्हणावं )

कोरोना भारतात घुसल्यानंतर, प्रधानमंत्री मोदी यांनी जनता कर्फ्यू घोषित केला.  आज तो सकाळी ७ ते रात्री ९ वाजेपर्यंत राहणार आहे. आत्ता आपण सगळेच घरी आहोत आप आपल्या परीने कोरोना विरुद्ध असलेल्या युद्धाला तोंड देत आहोत. हा कर्फ्यू अंशतः ३१ मार्च पर्यंत चालू असेल. शक्यतो सर्वांनी घरी राहा, बेसिक हायजिन पाळा. स्वतःची  व आपल्या कुटुंबीयांची काळजी घ्या. गरज नसेल तर उगाचच बाहेर पडू नका. 

व्हाट्स अप वरचे करोना वरचे जोक्स आणि मिम्स एन्जॉय करा. 

अफवांवर विश्वास ठेऊ नका आणि कन्फर्म नसल्याशिवाय फॉरवर्ड करू नका. 

बाकी हीच इच्छा , करोना गो  !! गो करोना  !!!!!

  

जाता जाता एक लपलेले सत्य उलगडतो:

मॅग्गी कधीच २ मिनिटांत बनत नाही 

तुमचा अभि 

  

हेल्लो ,

मी अभिषेक, अभिषेक जाधव ... 'आपला अभि' या नावाने ब्लॉग सुरु करत आहे, आपण यथेच्छ गप्पा मारु या ब्लॉगवर, कुठल्याही विषयावर, कुठल्याही वयोगटासाठी,   स्काय इज द लिमिट फॉर द टॉपिक्स....

भेटूया तर मग on www.aaplaabhi.blogspot.com !!

timely तुमचा अभिप्राय कळवत राहा.

काळजी घ्या,

लोभ असावा,

आपला अभि ...